Ogasunarekin derrigorrez telematikoki.

Azken egunetan elkargoei gutun bat bidali die Gipuzkoako ogasunak. Bertan, Ogasunarekin harremana derrigorrez modu telematikoan, hots, internet bitartez egin behar dela esaten du. Horretarako elkargo bakoitzak ordezkari legal bat izan beharko du. Komunitateen kasuan Lehendakaria dena.

​Internet bidez egin ahal izateko, lehendakariak komunitatearen txartel identifikatzaile bat eskuratu behako du. Adibidez Izenpe. Txartel horrekin Ogasunera konekta daiteke eta komunitateko buzoia begiratu ea jakinarazpenik dagoen edo derrigorrezkoak diren aitorpenak egin ahal izango ditu komunitatearen izenean. Lehendakaria aldatzen denean, txartela aldatu beharko litzateke, txartela lehendakariaren izenean baitago.

​Administratzaile bat baldin badezue seguruen duela urte batzuk egin zenutela tramitea. Hala izan ez bazen, beharrik ez zegoelako, datorren Urriaren 2a baino lehen egin behar dezue. Nola egiten den azaldu aurretik, gutunaren kopia uzten dizuet:

​

Administratzailea izanik, prozesua pausoz pauso.

1. Administratzaileak bere enpresaren txartel bat izan behar du. Berarekin Ogasunera konektatu.
2. Bezero berri bat alta emateko aukeran sartu
3. Komunitatearen datuak sartu
4. Komunitatearen ordezkari legalaren datuak sartu. (Lehendakaria)
5. Dokumentua sinatu
6. Lehendakaria izendatua izan denaren dokumentua atxikitu (Izendatze Akta)
7. Dokumentua sinatu eta bidali.
8. Orain denbora bat itxaron beharko dezu Ogasunak dokumentu horiek egiaztatu arte. Dena egoki badago e-mail bat jasoko da hilabeteko epea emanez Lehendakariak oniritzia emateko.
9. Lehendakariak oniritzia eman behar du. 3 modu:
   1.  Herritarren arretarako bulegoetako batera bertaratuz.
   2. Bere NAN elektronikoarekin Ogasuneko web gunean
   3. Ogasunera joan eta dokumentua sinatuz bertan.

Gogoratu, prozedura honek Jakinarazpen buzoirako sarbideaz gain, zergak telematikoki aurkezteko aukera emango digula.

​