Jabekideen bilerak atarian egin ahal ditzakegu? Bai. Beti ere osasun neurriak bermatu baitaitezke. Hau da, urruntze soziala 1,5m pertsonen artean eta musukoaren nahitaezko erabilera. Toki komunitarioen erabilpena egiten bada, gehienez 6 jabekide elkartu ahal izango dira. Bilera egitea ezinbestekoa bada, edukiera ofiziala duen toki batean egitea gomendatzen da. Bertan neurriak hartuta izango dituzte. Horretarako Elkargoak gelak eskaintzen ditu edo zenbait udaletxeek doako gelak izaten dituzte. Zeinek du bilerara deitzeko betebehar legala? Bilerara deitzeko ahalmena lehendakariarena da. Bestela jabekideen %25 edo partehartze kuoten %25ak egin dezake deialdia. Kontutan izan behar da bileran kutsaturik emango balitz ardura erkidegoarena eta bereziki lehendakariarena izan daitekeela. Zenbait administratzaileek deialdia egitearen ardura deialdia egiten duenarena dela argi uzteko dokumentu bat sinatuaraztea posible izan daiteke. Bilera erkidegoko elementu komunetatik kanpo egin daiteke? Jabekideen bilera, edozein tokitan egin daiteke. Tokia deialdian jarri behar da. Ez dago inolako obligaziorik erkidegoan egiteko. Bilerak bideokonferentzia bitartez egin daitezke? Ez. Jabetza horizontaleko legeak ez du halako aukerarik jasotzen. Bilerak beti presentzialak edo delegazio bitartez izan behar dira. Komunikabideetan entzun da bideokonferentzia bitartezko bilerak egin direla. Gehiengoak Katalunian izan dira lege ezberdin bat baitute eta Pandemia dela eta aldaketak egin dituzte. Telematikoki modu bakar eta baztertzailean egingo balira bilerak, konektatu ezin direnak inpugnatu ahal izan dute. Beste herri baten ospatzen den erkidegoko bilerara joan naiteke? Ez. Oraingo araudiarekin eta mugikortasun murrizketak kontutan harturik, ezin gara herriz mugitu aktibitate sozio-ekonomikoengatik ez bada. Urte bat baino gehiago pasa da Lehendakari izendatu zidatenetik. Kargua mantendu dezaket urteko ohiko bilera egiten ez den bitartean? Bai. Estatutuetan kontrakorik jarri ezean, Lehendakari kargua urte baterako izaten da, baina aurtengo egoera ikusirik, normalena, karguan mantentzea da datorren batzarra ospatu arte. Nahitaezkoa da urteko batzarra ospatzea 2020 urtea amaitu aurretik? Legeak dio urtero bilera bat ospatu behar dela. Legeak ez dio urte naturalean ospatu behar direnik. Kasu honetan gainera posible izan daiteke urteko bilera ez ospatzea. 2019an martxo eta abendu bitarte ospatu zuten bizilagunek 2020 urtean ez dute bilerarik izango eta ea 2021ean posible den. |
Categorias
Todo
|